◉ স্ব-নিয়োজনৰ পথ হিচাপে চিলাই কামৰ বাবে ‘টেইলৰিং টেকন’লজি’ পাঠ্যক্ৰম কি?

◉ স্ব-নিয়োজনৰ পথ হিচাপে চিলাই কামৰ বাবে ‘টেইলৰিং টেকন’লজি’ পাঠ্যক্ৰম কি?

অতীত কালত সময়ৰ গতিত খোজ মিলাই আগুৱাই যাওঁতে বা ক্রমোন্নতিৰ ফলত মানুহৰ বুদ্ধি-বৃত্তিৰ বিকাশৰ লগে লগে মানুহে লজ্জা নিবাৰণৰ বাবে আহিলা বিচাৰি ল’লে গছৰ ছাল, পাত, জন্তুৰ চামৰা আদি। এনেদৰে বিকাশ ঘটি এটা সময়ত প্রয়োজনৰ দাবীত কাপোৰ প্ৰস্তুতৰ কাৰণে সূতাৰ আৱিষ্কাৰ হয়। যিকোনো কামৰ বাবে ধৈৰ্য্য আৰু আগ্ৰহ লাগিব। কামৰ প্ৰতি আগ্ৰহ থাকিলে ধৈর্য্য বাঢ়ে। ধৈৰ্য্য সহকাৰে কামত মনোনিবেশ কৰিলেহে কৃতকার্য্য হ’ব পাৰি৷ কটা আৰু চিলাই কামত আত্মনিয়োগ কৰিও সম্পূর্ণ স্বাৱলম্বী হ’ব পাৰি। অৱশ্যে এই কটা আৰু চিলাই কামত অনুসৰণ, অনুকৰণ আৰু ডিজাইনৰ জ্ঞানৰ প্রয়োজন। কাৰণ দৰ্জীৰ কৃতকাৰ্য্যতা হ’ল বিভিন্ন মনৰ বিভিন্ন গ্রাহকক সন্তুষ্ট কৰিব পৰা। কাপোৰ কটা আৰু চিলাই কৰা এটা ডাঙৰ কৌশল, উত্তম কলা। জ্ঞান-বিজ্ঞানৰ বিকাশৰ ফলস্বৰূপে বিজ্ঞানসন্মত ভাবে বিশেষ ভূমিকা লাভ কৰা কটা আৰু চিলাই কাম লেখত ল’বলগীয়া। কাপোৰ চিলাই বা কাটিং কৰাৰ বাবে বিজ্ঞানৰ আৱিস্কাৰ চিলাই মেচিন৷ সেই অনুসৰি দেহৰ ভাজত খাপ খাই ধৰাকৈ নানা চিন্তা চৰ্চাৰে কটাৰ পদ্ধতি আছে।

বর্তমানৰ যুগ যন্ত্ৰৰ যুগ। এই যুগ নানা সমস্যাবহুল। আর্থিক দিশেই হওঁক বা কর্ম সংস্থাপনৰ ক্ষেত্ৰতেই হওঁক সকলোতে একোটা বৃহৎ সমস্যা। এই সমস্যাৰে পৰিপূৰ্ণ আত্ম প্রতিষ্ঠাৰ একোটা নিজা লক্ষ্য থকা নিতান্তই প্রয়োজন। এটা নির্দিষ্ট কর্মত প্রবৃত্ত হৈ ইয়াতে বিশেষ পাৰদর্শী হোৱা কম কৃতিত্বৰ কথা নহয়। সেয়ে কটা আৰু চিলাই কাম কৰিম বুলি ধাৱমান হোৱা প্রতিজন প্ৰশিক্ষাৰ্থীৰ লক্ষ্য হ’ব সুনাম অর্জন কৰি পাঠ্যক্রমৰ জ্ঞান আহৰণ কৰা। কটা আৰু চিলাইৰ লক্ষ্য আৰু উদ্দেশ্য হৈছে, বিশ্বত এনে এটা কাম নাই যিটোৰ স্বকীয় লক্ষ্য আৰু উদ্দেশ্য নাই। কটা আৰু চিলাই কামো লক্ষ্য আৰু উদ্দেশ্যৰে পূর্ণ। প্রশিক্ষণ প্রতিষ্ঠানবোৰত কটা আৰু চিলাই কামৰ বছৰে বছৰে প্রশিক্ষণ দিয়াৰ লক্ষ্য আছে আৰু ইয়াৰ অন্তর্নিহিত উদ্দেশ্যও আছে।

এই ক্ষেত্ৰত বর্ধিত জনসংখ্যাৰ নিবনুৱা সমস্যা দূৰীকৰণ হৈছে প্ৰধান লক্ষ্য। এই সন্দর্ভত ক’ব পাৰি লাখ লাখ জনগণৰ কর্ম দক্ষতা আৰু কৰ্মৰ প্রতি একাগ্ৰতাৰ মন বিভিন্ন। সেয়ে ৰুচি, অভিৰুচি আৰু একাগ্রতাই জীৱনৰ পথ নির্বাচন কৰে। তাৰে ভিতৰত যিবোৰে কটা আক চিলাই কাম শিকিম বুলি সাগ্রহে আগবাঢ়ি আহিছে তেওঁলোকে উপযুক্ত দর্জী এজন হৈ জীৱন নির্বাহৰ পথ সুগম কৰি লোৱা কাম্য।

দেখিবলৈ পোৱা গৈছে অসম তথা দেশজুৰি বৰ্তমান কাষ্টমাইজড কাপোৰ, বুটিক, ফেশ্বন টেইলৰিং আৰু গাৰ্মেণ্ট মেনুফেকচাৰিঙৰ চাহিদা বৃদ্ধি পোৱাত দক্ষ টেইলৰ পেছাদাৰীসকলৰ প্ৰয়োজন সদায়েই আছে। NCVT আৰু SCVT-ৰ সৈতে সংযুক্ত এই ১ বছৰৰ ITI টেইলৰিং টেকন’লজি পাঠ্যক্ৰম ৮ম শ্ৰেণী উত্তীৰ্ণ শিক্ষাৰ্থীৰ বাবে বিশেষ উপযোগী, যিসকলে চিলাই, কাটিং, ফিটিং আৰু গাৰ্মেণ্ট ফিনিছিঙৰ ব্যৱহাৰিক দক্ষতা লাভ কৰিব বিচাৰে। সাধাৰণভাবে এটা মেচিন লৈ কোনো দোকানৰ সন্মুখত বহিলেও উপাৰ্জন আছে৷ প্রতিজন প্রশিক্ষণপ্রাপ্ত দর্জীয়ে বৈজ্ঞানিক পদ্ধতিৰে কাপোৰ কটা আৰু চিলাইৰ দ্বাৰা আধুনিক সাজ-পোছাকৰ প্ৰস্তুতৰ ওপৰত মনোনিবেশ কৰিব পাৰিব লাগিব। তদুপৰি এই কটা আৰু চিলাই কামৰে বিধবা, অবিবাহিতা তিৰোতাৰ জীৱন নির্বাহৰ পথ উলিয়াব পাৰে। এওঁলোকে মুকলি বজাৰত মুকলিভাৱে ব্যবসায় কৰাৰ উপৰিও ঘৰতেও কাপোৰ চিলাই টকা উপার্জন কৰিব পাৰে। আকৌ কিছুমান ক্ষেত্রত শাৰীৰিকভাৱে অক্ষম মানুহক কর্ম সংস্থাপনৰ ক্ষেত্ৰত এই কটা আৰু চিলাই কামে সহায় কৰিব পাৰে।

বৰ্তমান সময়ত যিকোনো পেছাদাৰী কামৰ বাবে প্ৰমাণপত্ৰৰ প্ৰয়োজন হয়৷ সেয়েহে স্ব-নিয়োজনৰ পথ হিচাপে চিলাই কাম কৰিবলৈ হলেও ‘টেইলৰিং টেকন’লজি’ পাঠ্যক্ৰমৰ বিষয়ে জ্ঞান অৰ্জন কৰি লোৱাটো প্ৰয়োজনীয়াতা আছে৷ এই পাঠ্যক্ৰম গ্ৰহণৰ বাবে গুৱাহাটীত টেইলৰিং টেকন’লজি পঢ়াৰ সুবিধা আছে৷ চৰকাৰী বা বেচৰকাৰী প্ৰতিষ্ঠানত এই পাঠ্যক্ৰম গ্ৰহণ কৰিব পাৰে৷

গুৱাহাটীৰ বামুণীমৈদামত অৱস্থিত অসম ইণ্ডাষ্ট্ৰিয়েল ট্ৰেইনিং ইনষ্টিটিউট (AITI) দ্বাৰা আগবঢ়োৱা টেইলৰিং টেকন’লজি পাঠ্যক্ৰমটো হৈছে এক দক্ষতা-ভিত্তিক ITI প্ৰশিক্ষণ কাৰ্যসূচী৷ যি পাঠ্যক্ৰম হৈছে পোছাক নিৰ্মাণ, চিলাই-কাটিং আৰু কাপোৰ উৎপাদনৰ উদ্যোগিক ক্ষেত্ৰত কেৰিয়াৰ গঢ়িবলৈ ইচ্ছুক শিক্ষাৰ্থীৰ বাবে অতি উপযোগী। এজন টেইলৰে কাপোৰ, চিলাই মেচিন আৰু বিভিন্ন সঁজুলি ব্যৱহাৰ কৰি ব্যক্তিগত বা প্ৰতিষ্ঠানৰ প্ৰয়োজন অনুসৰি পোছাক তৈয়াৰ আৰু মেৰামতি কৰে। অসম উদ্যোগিক প্ৰশিক্ষণ প্ৰতিষ্ঠান বামুণীমৈদামত টেইলৰিং টেকন’লজি পাঠ্যক্ৰম সম্পূৰ্ণ কৰাৰ পিছত শিক্ষাৰ্থীসকলে পুৰুষ, মহিলা আৰু শিশুৰ পোছাক ডিজাইন, কাটিং, চিলাই, ফিনিছিং পেছাদাৰীভাৱে কৰিব পাৰিব। টেইলৰিং হৈছে এক চিৰসেউজ আৰু চাহিদাসম্পন্ন দক্ষতা, যাৰ প্ৰয়োজন ফেশ্বন, বস্ত্ৰ আৰু কাপোৰ উদ্যোগৰ লগতে স্ব-নিয়োজিত ব্যৱসায় আৰু ক্ষুদ্ৰ উদ্যোগতো অত্যন্ত গুৰুত্বপূৰ্ণ। মূলত টেইলৰিং টেকন’লজি হৈছে মাপ, পেটাৰ্ণ আৰু ডিজাইন অনুসৰি কাপোৰ চিলাই কৰাৰ কৌশল আৰু কলা।

অসম উদ্যোগিক প্ৰশিক্ষণ প্ৰতিষ্ঠান বামুণীমৈদামত এই পাঠ্যক্ৰমত ব্যৱহাৰিকভাৱে মেচিনৰ প্ৰশিক্ষণ, কাপোৰ নিৰ্মাণ, কাপোৰৰ ফিনিছিং আদিৰ কৌশলৰ ওপৰত বিশেষ গুৰুত্ব দি প্ৰশিক্ষণ প্ৰদান কৰা হয়, যাতে শিক্ষাৰ্থীসকলে পাঠ্যক্ৰম সম্পূৰ্ণ কৰাৰ পিছত চাকৰি বা ব্যৱসায়ৰ বাবে সম্পূৰ্ণভাৱে প্ৰস্তুত হ’ব পাৰে৷–

➱ পাঠ্যক্ৰমৰ সংক্ষিপ্ত বিবৰণ এনেধৰণৰ হ’ব
পাঠ্যক্ৰম নাম : টেইলৰিং টেকন’লজি
সময়সীমা : ১ বছৰ (২টা ছেমিষ্টাৰ)
যোগ্যতা : ৮ম শ্ৰেণী উত্তীৰ্ণ
NCVT / SCVT দুয়োটা উপলব্ধ
প্ৰমাণপত্ৰ : চৰকাৰী স্বীকৃত ITI টেইলৰিং টেকন’লজি
পাঠ্যক্ৰমৰ ধৰণ : ভকেচনেল / স্কিল ডেভেলপমেন্ট
উক্ত টেইলৰিং টেকন’লজি পাঠ্যক্ৰম ৰাষ্ট্ৰীয় ITI পাঠ্যক্ৰম অনুসৰি পৰিচালিত হয় আৰু ৱৰ্কশ্বপ-ভিত্তিক প্ৰশিক্ষণৰ ওপৰত অধিক গুৰুত্ব আৰোপ কৰা হয়।

টেইলৰিং টেকন’লজি পাঠ্যক্ৰমৰ বাবে শিক্ষাগত যোগ্যতা হিচাপে প্ৰাৰ্থীসকলে স্বীকৃত বিদ্যালয়ৰ পৰা ৮ম শ্ৰেণী উত্তীৰ্ণ হ’ব লাগিব। লগতে বয়সৰ সীমা হিচাপে নামভৰ্তিৰ সময়ত ন্যূনতম বয়স ১৪ বছৰ হ’ব লাগিব। পাঠ্যক্ৰমৰ বাবে নামভৰ্তি প্ৰক্ৰিয়া হিচাপে অসম উদ্যোগিক প্ৰশিক্ষণ প্ৰতিষ্ঠান বামুণীমৈদামত কাউন্সেলিং আৰু মেধা তালিকাৰ ভিত্তিত কৰা হয়।SC/ST/OBC/EWS/BPL শিক্ষাৰ্থীসকলে চৰকাৰী নিয়ম অনুসৰি মাছুল আৰু বৃত্তিৰ সুবিধা লাভ কৰিব পাৰে।

➱ প্ৰশিক্ষণৰ ধৰণ হিচাপে
* ৩০% তত্ত্ব
* ৬০% ব্যৱহাৰিক / ৱৰ্কশ্বপ প্ৰশিক্ষণ
* ১০% Employability আৰু Soft Skills

➱ পাঠ্যক্ৰম আৰু চিলেবাছৰ মুখ্য বিষয়সমূহ এনেধৰণৰ হয়
টেইলৰিঙৰ মৌলিক জ্ঞান হিচাপে
* টেইলৰিং সঁজুলি আৰু উপকৰণৰ পৰিচয়
* বিভিন্ন ধৰণৰ কাপোৰ আৰু কাপোৰ ব্যৱস্থাপনা
* মাপ লোৱাৰ কৌশল
* পেটাৰ্ণ আৰু লে-আউট

➱ চিলাই মেচিন আৰু সঁজুলি হিচাপে
* ঘৰুৱা আৰু ইণ্ডাষ্ট্ৰিয়েল চিলাই মেচিন
* মেচিনৰ অংশ আৰু ৰক্ষণাবেক্ষণ
* মেচিন ব্যৱহাৰ আৰু সুৰক্ষা
* হাতৰ চিলাই সঁজুলি আৰু আনুষংগিক সামগ্ৰী

➱ গাৰ্মেণ্ট নিৰ্মাণ – প্ৰাথমিকভাৱে
* চিলাই কৌশল
* ফিনিছিং
* কাটিং পদ্ধতি
* সাধাৰণ পোছাক নিৰ্মাণ

➱ গাৰ্মেণ্ট নিৰ্মাণ – উন্নত স্তৰত
* মহিলাৰ পোছাক (চলোৱাৰ, কামিজ, ব্লাউজ, কুৰ্তি)
* পুৰুষৰ পোছাক (শাৰ্ট, ট্ৰাউজাৰ, পায়জামা)
* শিশুৰ পোছাক
* Alteration আৰু ফিটিং কৌশল

➱ কাপোৰৰ পেটাৰ্ণ আৰু ডিজাইনিং হিচাপে
* কাপোৰ লে-আউট আৰু কাটিং
* মাপ অনুযায়ী ফিটিং

➱ ফিনিছিং আৰু গুণগত মান নিয়ন্ত্ৰণ হিচাপে
* বুটাম লগোৱা আৰু জিপ সংযোজন
* Hemming আৰু Edge Finishing
* Pressing আৰু Final Presentation
* Quality Checking

➱ ফেশ্বন আৰু ডিজাইনৰ প্ৰাথমিক জ্ঞান প্ৰদান কৰা হয়৷
* ফেশ্বন ট্ৰেণ্ডৰ পৰিচয়
* ৰঙৰ মিল আৰু ষ্টাইলিং
* সাধাৰণ ডিজাইনৰ ধাৰণা

➱ Employability আৰু ব্যৱসায়িক দক্ষতা
* গ্ৰাহকৰ মাপ লোৱা আৰু যোগাযোগ
* অৰ্ডাৰ ব্যৱস্থাপনা আৰু ডেলিভাৰী
* মূল্য নিৰ্ধাৰণ আৰু খৰচৰ ভিত্তি
* স্ব-নিয়োজন আৰু বুটিক স্থাপনৰ পৰিচয়
* Resume তৈয়াৰ আৰু সাক্ষাৎকাৰ দক্ষতা

➱ অসম উদ্যোগিক প্ৰশিক্ষণ প্ৰতিষ্ঠান বামুণীমৈদামত উপলব্ধ সুবিধাসমূহ হৈছে
AITI গুৱাহাটীয়ে উন্নত মানৰ টেইলৰিং ৱৰ্কশ্বপ সুবিধা প্ৰদান কৰে।
* টেইলৰিং আৰু গাৰ্মেণ্ট নিৰ্মাণ লেব
* ঘৰুৱা আৰু ইণ্ডাষ্ট্ৰিয়েল চিলাই মেচিন
* কাটিং টেবুল আৰু Pressing Equipment
* কাপোৰৰ নমুনা আৰু টেইলৰিং সঁজুলি
* অভিজ্ঞ টেইলৰিং প্ৰশিক্ষক
* পৰিষ্কাৰ আৰু সুৰক্ষিত প্ৰশিক্ষণ পৰিবেশ

➱ পাঠ্যক্ৰমৰ শেষত লাভ কৰা প্ৰমাণপত্ৰ হ’ব
NCVT Certificate – দেশজুৰি বৈধ
SCVT Certificate – অসম আৰু পাৰ্শ্বৱৰ্তী ৰাজ্যসমূহত স্বীকৃত
এই প্ৰমাণপত্ৰসমূহে চাকৰি, Apprenticeship আৰু স্ব-নিয়োজনৰ সুযোগ দিব।

➱ চাকৰিৰ সুযোগ হিচাপে টেইলৰিং দক্ষতাই নমনীয় আৰু দীৰ্ঘম্যাদী কেৰিয়াৰৰ সুযোগ প্ৰদান কৰে
লাভ কৰিব পৰা চাকৰিৰ ক্ষেত্ৰসমূহ হৈছে
* টেইলৰিং দোকান আৰু বুটিক
* গাৰ্মেণ্ট উৎপাদন ইউনিট
* ফেশ্বন হাউচ
* Export Garment Unit
* বিদ্যালয় আৰু প্ৰতিষ্ঠান (ইউনিফৰ্ম টেইলৰিং)

➱ চাকৰিৰ ভূমিকা হ’ব
* টেইলৰ
* Garment Stitching Operator
* Boutique Assistant
* Alteration Specialist
* Fashion Tailoring Assistant
প্ৰশিক্ষাৰ্থীসকলে Freelancer হিচাপেও কাম কৰিব পাৰে বা ঘৰভিত্তিক টেইলৰিং সেৱা আৰম্ভ কৰিব পাৰে।

➱ দৰমহা আৰু কেৰিয়াৰ হিচাপে পাব পাৰে
* Apprenticeship / Internship Stipend: মাহে ₹৬,০০০ – ₹৯,০০০
* Entry-Level Salary: মাহে ₹৮,০০০ – ₹১৫,০০০
* অভিজ্ঞ টেইলৰ : মাহে ₹২০,০০০ – ₹৩০,০০০
* স্ব-নিয়োজিত / Boutique Owner: মাহে ₹৪০,০০০ বা তাতকৈ অধিক
দক্ষতা, ডিজাইন আৰু গ্ৰাহকৰ মান বৃদ্ধি পোৱাৰ লগে লগে আয়ো বৃদ্ধি পায়। সেয়ে আগ্ৰহ থকাসকলৰ বাবে এই পাঠ্যক্ৰমে নিশ্চিতভাৱে জীৱন ধাৰণৰ উপাৰ্জনমুখী কেৰিয়াৰ গঢ় দিব পাৰিব৷