ইলেক্ট্ৰনিক্স আৰু টেলিকমিউনিকেচন ইঞ্জিনিয়াৰিং কি?

ইলেক্ট্ৰনিক্স আৰু টেলিকমিউনিকেচন ইঞ্জিনিয়াৰিং কি?

● ইলেক্ট্ৰনিক্স আৰু টেলিকমিউনিকেচন ইঞ্জিনিয়াৰিং (ETE) হৈছে বৈদ্যুতিক অভিযান্ত্ৰিকীৰ এটা বিশেষ শাখা৷ যি ইলেক্ট্ৰনিক চাৰ্কিট আৰু যোগাযোগ ব্যৱস্থাৰ নক্সা প্ৰস্তুত, সামগ্ৰীবিধৰ বিকাশ আৰু পৰীক্ষণৰ ওপৰত মান নিৰ্ণয় কৰে৷ অৰ্থাৎ হাৰ্ডৱেৰক বিশ্বব্যাপী তথ্য প্ৰেৰণ নেটৱৰ্কৰ সৈতে সংযোগ কৰি আধুনিক সংযোগ ব্যৱস্থাক শক্তি প্ৰদান কৰে। সম্প্ৰতি ইলেক্ট্ৰনিক্স আৰু টেলিকমিউনিকেচন ইঞ্জিনিয়াৰিঙৰ ক্ষেত্ৰখন দ্ৰুতগতিত সম্প্ৰসাৰিত হৈছে৷ অভিজ্ঞ দক্ষ পেছাদাৰী লোকসকলৰ বাবে উন্নত মানৰ কৰ্মসংস্থাপন আৰু কেৰিয়াৰৰ সুযোগ বা নিয়োগৰ পথ মুকলি হৈছে৷

ইলেক্ট্ৰনিক্স আৰু টেলিকমিউনিকেচন ইঞ্জিনিয়াৰিঙত ডিপ্ল’মা পাঠ্যক্ৰম পলিটেকনিক বিভাগৰ অন্তৰ্গত এক জনপ্ৰিয় আৰু কেৰিয়াৰ-কেন্দ্ৰিক ডিপ্ল’মা পাঠ্যক্ৰম৷ ছাত্ৰ-ছাত্ৰীৰ বাবে বিশেষভাৱে উপযোগী৷ যিসকল শিক্ষাৰ্থীয়ে ১০ম শ্ৰেণী উত্তীৰ্ণ হোৱাৰ পিছতেই যোগাযোগ ব্যৱস্থা, ইলেক্ট্ৰনিক ডিভাইচ, সংকেত প্ৰক্ৰিয়াকৰণ (Signal Processing), নেটৱৰ্কিং, মোবাইল যোগাযোগ, ইণ্ডাষ্ট্ৰিয়েল ইলেক্ট্ৰনিক্স আৰু টেলিকমিউনিকেচন প্ৰযুক্তিৰ ক্ষেত্ৰত ভবিষ্যৎ গঢ়িব বিচাৰে তেওঁলোকৰ বাবে অতিকে গুৰুত্বপূৰ্ণ বুলিব পাৰি৷

আজিৰ ডিজিটেল প্ৰযুক্তিবিদ্যাৰ সময়ছোৱাত টেলিকমিউনিকেচন উদ্যোগটো দ্ৰুতগতিত বিকাশ লাভ কৰিছে৷ মোবাইল নেটৱৰ্ক, ইণ্টাৰনেট ব্যৱস্থা, উপগ্ৰহ যোগাযোগ, ৱায়াৰলেছ (Wireless) প্ৰযুক্তি আৰু ইলেক্ট্ৰনিক ডিভাইচৰ জৰিয়তে বিশ্বই অধিক সংযুক্ত হ’বলৈ সমৰ্থ হৈছে৷ উক্ত ডিপ্ল’মা পাঠ্যক্ৰমত নামভৰ্তিৰ বাবে দশম শ্ৰেণী উত্তীৰ্ণ হোৱা ছাত্ৰ-ছাত্ৰীৰ বাবে বিশেষকৈ প্ৰযুক্তি, ইলেক্ট্ৰনিক্স আৰু যোগাযোগ ব্যৱস্থাত আগ্ৰহী সেইসকলৰ বাবে অন্যতম কাৰিকৰী বৃত্তিমূলক পাঠ্যক্ৰম হিচাপে বিবেচিত৷

এই পাঠ্যক্ৰমত ইলেক্ট্ৰনিক চাৰ্কিট, ডিজিটেল চিষ্টেম, যোগাযোগ নেটৱৰ্ক, মাইক্ৰ’প্ৰচেছৰ, ইণ্ডাষ্ট্ৰিয়েল ইলেক্ট্ৰনিক্স, উপগ্ৰহ ব্যৱস্থা, অপ্টিকেল ফাইবাৰ যোগাযোগ, মোবাইল প্ৰযুক্তি আৰু অটোমেচন আদিৰ বিষয়ে সঠিক জ্ঞান লাভ কৰিব পাৰিব। লগতে ছাত্ৰ-ছাত্ৰীসকলে প্ৰায়োগিক লেব প্ৰশিক্ষণ, টেকনিকেল ৱৰ্কশ্বপ আৰু উদ্যোগিক অভিজ্ঞতা লাভ কৰিব৷ যাৰ ফলত তেওঁলোকে পাঠ্যক্ৰম সম্পূৰ্ণ কৰাৰ পিছতেই নিয়োগৰ বাবে প্ৰস্তুত হ’ব পাৰিব।

● থোৰতে ইলেক্ট্ৰনিক্স আৰু টেলিকমিউনিকেচন ডিপ্ল’মা কি?

ইলেক্ট্ৰনিক্স আৰু টেলিকমিউনিকেচন ডিপ্ল’মা ৩ বছৰৰ টেকনিকেল পাঠ্যক্ৰম, য’ত ইলেক্ট্ৰনিক্স আৰু যোগাযোগ অভিযান্ত্ৰিকীৰ বিষয়ে জ্ঞান প্ৰদান কৰা হয়৷ যোগাযোগ ডিভাইচ, ট্ৰান্সমিছন চিষ্টেম, নেটৱৰ্ক, ইলেক্ট্ৰনিক চাৰ্কিট আৰু টেলিকমিউনিকেচন যন্ত্ৰসমূহ কেনেদৰে কাম কৰে তাৰ ওপৰত জ্ঞান লাভ কৰিব পাৰে৷ পাঠ্যক্ৰমটো তাত্ত্বিক (theoretical) আৰু প্ৰায়োগিক (practical) দুয়োটা শিক্ষাৰ ওপৰত ভিত্তি কৰি শিকোৱা হয়৷

পাঠ্যক্ৰমত অন্তৰ্গত বিষয়সমূহ হ’ব—
● ইলেক্ট্ৰনিক উপাদান আৰু চাৰ্কিট
● ডিজিটেল ইলেক্ট্ৰনিক্স
● এনালগ যোগাযোগ (Analog Communication)
● ৱায়াৰলেছ যোগাযোগ (Wireless Communication)
● মোবাইল যোগাযোগ
● উপগ্ৰহ যোগাযোগ (Satellite Communication)
● অপ্টিকেল ফাইবাৰ যোগাযোগ
● মাইক্ৰ’প্ৰচেছৰ আৰু মাইক্ৰ’কণ্ট্ৰ’লাৰ
● টেলিকমিউনিকেচন চিষ্টেম
● ইণ্ডাষ্ট্ৰিয়েল ইলেক্ট্ৰনিক্স
● নেটৱৰ্কিং আৰু সংকেত ব্যৱস্থা

ইলেক্ট্ৰনিক্স আৰু টেলিকমিউনিকেচনত অভিজ্ঞসকলে আমি দৈনন্দিন জীৱনত ব্যৱহাৰ কৰা বহুতো সঁজুলি আৰু প্ৰযুক্তি নিৰ্মাণ কৰে, যেনে—
● মোবাইল ফোন
● টেলিভিছন
● ৰেডিঅ’
● ব্যক্তিগত কম্পিউটাৰ (PC)
● Wi-Fi নেটৱৰ্ক
ইয়াৰোপৰি ইলেক্ট্ৰনিক্স আৰু টেলিকমিউনিকেচন ইঞ্জিনিয়াৰিঙে বিভিন্ন উদ্যোগত সামগ্ৰী আৰু ব্যৱস্থাপনাৰ নক্সা প্ৰস্তুত কৰাতো সহায় কৰে, যেনে—
● টেলিকমিউনিকেচন ● ৰেডিঅ’ আৰু টেলিভিছন সম্প্ৰচাৰ ● স্বাস্থ্যসেৱা ● বৈজ্ঞানিক গৱেষণা ● প্ৰযুক্তিগত সামগ্ৰীৰ উৎপাদন ক্ষেত্ৰ

ইলেক্ট্ৰনিক্স আৰু টেলিকমিউনিকেচন ইঞ্জিনিয়াৰিঙে বৈদ্যুতিক অভিযান্ত্ৰিকীক কম্পিউটাৰ আৰু তথ্যভিত্তিক বিজ্ঞানৰ সৈতে একত্ৰিত কৰে। মুখ্য ক্ষেত্ৰসমূহ হৈছে—
● মাইক্ৰ’প্ৰচেছৰ আৰু VLSI : সমন্বিত পৰিপথ (Integrated Circuits) আৰু মাইক্ৰ’চিপৰ নক্সা আৰু বিকাশ।
● ৱায়াৰলেছ আৰু আলোকীয় যোগাযোগ : সংকেত প্ৰক্ৰিয়াকৰণ (Signal Processing), তৰংগ প্ৰসাৰণ (Wave Propagation), ফাইবাৰ অপ্টিক্স আৰু উপগ্ৰহ যোগাযোগৰ ব্যৱস্থাপনা।
● IoT আৰু এম্বেডেড চিষ্টেম : স্মাৰ্ট ডিভাইচ, ৰ’বটিক্স আৰু স্বয়ংক্ৰিয়কৰণ (Automation) হাৰ্ডৱেৰৰ প্ৰগ্ৰামিং।
● নেটৱৰ্কিং সম্পৰ্কীয় আন্তঃগাঁথনি (Infrastructure) : ৰাউটাৰ, মডেম আৰু এণ্টেনা আদি নিৰ্মাণ কৰা৷ যিবোৰ নিৰৱিচ্ছিন্ন ইণ্টাৰনেট আৰু মোবাইল সংযোগত ব্যৱহৃত হয়৷

ইলেক্ট্ৰনিক্স আৰু টেলিকমিউনিকেচনত বহুমুখী দক্ষতাই দক্ষসকলক বিভিন্ন উদ্যোগ আৰু প্ৰযুক্তিগত ক্ষেত্ৰত বিস্তৃত কৰ্মসংস্থাপনৰ সুযোগ প্ৰদান কৰে। সঠিক উপাৰ্জনকেন্দ্ৰীক এই পাঠ্যক্ৰমে নিশ্চিত কেৰিয়াৰ গঢ়াৰ বাট মুকলি কৰে৷ ভাৰতৰ দৰে দেশত ইলেক্ট্ৰনিক্স আৰু টেলিকমিউনিকেচনত নিয়োজিতসকলৰ দৰমহাৰ স্তৰ অভিজ্ঞতা অনুসৰি ভিন্ন হয়৷
● প্ৰাৰম্ভিক স্তৰত (০–২ বছৰৰ অভিজ্ঞতা) : বছৰি প্ৰায় ₹৪ লাখৰ পৰা ₹৬ লাখ।
● মধ্যম স্তৰ (৩–৭ বছৰৰ অভিজ্ঞতা) : বছৰি প্ৰায় ₹৭ লাখৰ পৰা ₹১২ লাখ।
● সম্পূৰ্ণ অভিজ্ঞ (৮ বছৰৰ অধিক অভিজ্ঞতা) : বছৰি প্ৰায় ₹১৫ লাখৰ পৰা ₹২৫ লাখ বা তাতোকৈ অধিক।

কেৰিয়াৰৰ পথ প্ৰশস্ত কৰিব পৰা এনে পাঠ্যক্ৰমৰ বাবে কেনেদৰে যোগাযোগ কৰিব?
● মহাবিদ্যালয় আৰু বিশ্ববিদ্যালয়সমূহৰ আনুষ্ঠানিক ৱেবছাইটত উপলব্ধ পাঠ্যক্ৰম (Curriculum) আৰু চিলেবাছ।
● বিভিন্ন অভিযান্ত্ৰিক শাখাৰ বিষয়ে তথ্য প্ৰদান কৰা শিক্ষা আৰু কেৰিয়াৰ পৰামৰ্শ প’ৰ্টেল।
● চাকৰি সন্ধানী প’ৰ্টেল আৰু কোম্পানীৰ কেৰিয়াৰ পৃষ্ঠাসমূহত চাকৰিৰ সুযোগসমূহ প্ৰকাশ কৰে।
● চৰকাৰী আৰু গৱেষণা প্ৰতিষ্ঠানসমূহৰ নিয়োগ বিজ্ঞপ্তি আৰু কেৰিয়াৰ পৃষ্ঠাসমূহ।
● উদ্যোগ বিশেষজ্ঞ, শিক্ষক অথবা কেৰিয়াৰ পৰামৰ্শদাতাৰ সৈতে আলোচনা কৰি শাখা নিৰ্বাচন আৰু ভৱিষ্যৎ সম্ভাৱনাৰ বিষয়ে অধিক তথ্য লাভ কৰিব পাৰে।

পাঠ্যক্ৰমত নামভৰ্তিৰ বিষয়ে কিছু তথ্য—
পাঠ্যক্ৰমৰ নাম : ইলেক্ট্ৰনিক্স আৰু টেলিকমিউনিকেচন ডিপ্ল’মা (Diploma in Electronics & Tele-communication)
পাঠ্যক্ৰমৰ ধৰণ : পলিটেকনিক ডিপ্ল’মা
সময়সীমা (Duration) : ৩ বছৰ
যোগ্যতা (Eligibility) : ১০ম শ্ৰেণী উত্তীৰ্ণ
নামভৰ্তি প্ৰক্ৰিয়া (Admission Process) : মেধা ভিত্তিক / নামভৰ্তিৰ যোগ্যতা পৰীক্ষা
পাঠ্যক্ৰমৰ ধৰণ (Mode) : নিয়মীয়া (Regular)
অভিযান্ত্ৰিক আৰু প্ৰযুক্তি (Engineering & Technology) দুয়োটা শিকোৱা হয়৷
কৰ্মক্ষেত্ৰৰ সম্ভাৱনা (Career Scope) : চৰকাৰী আৰু বেচৰকাৰী খণ্ড
গড় দৰমহা (Average Salary) : বছৰি প্ৰায় ₹২ লাখৰ পৰা ₹৬ লাখ
উচ্চ শিক্ষা হিচাপে (Higher Study Options) : B.Tech, AMIE, প্ৰমাণপত্ৰ (Certification) প্ৰাপ্ত পাঠ্যক্ৰম৷